Иң тәмле эремчек коймаклары (сырниклар)

Бу рецептны саклап куегыз, чөнки ул бик гади һәм һәрвакыт килеп чыга. Сырниклар йомшак, тәмле һәм туклыклы була.

Кирәк булачак:

• 2 пачка эремчек (үзегез яраткан)
• 1 йомырка
• 3 аш кашыгы манный ярмасы
• 2 аш кашыгы шикәр комы
• 1 кап ванилин
• Әвәләү өчен азрак он

Ничек ясарга?
Барлык ингредиентларны бер савытка салып, яхшылап тугалыйбыз.
Килеп чыккан массадан кечкенә шарчыклар ясыйбыз һәм онда әвәлибез.
Аз гына май сыланган табада, мичтә ( духовкада) ике ягы да алтынсу төскә кергәнче кыздырып алабыз.

Табынга нәрсә белән бирергә?
Сырникларны табынга банан, кайнатма яки сыек шоколад белән бирәбез, алай тагын да тәмлерәк булыр!

Фото: Чулпан Гыйсмәтуллина, «ЯҮ».