Кесәл белән кишер утыртканыгыз бармы?

Бакчачылардан  яңа алымнар.

Кишерне  кисель белән утырту ысулы – вак орлыкларны түтәлгә тигез итеп сибәргә, шытып чыгуны тизләтергә һәм шытымнарны сирәкләп тормаска ярдәм итүче ысул.

 Еш кына бу ысулны кишер утыртканда кулланалар, ләкин ул шулай ук укроп, петрушка, редис һәм башка культуралар өчен дә яраклы.

Кисель әзерләү

Кирәк:  1 л су;  2-2, 5 кг. бәрәңге яисә кукуруз крахмалы.

1. Суны кайнатып чыгарабыз.
2. Төерләнмәсен өчен крахмалны аерым савытта аз гына салкын суда эретәбез.
3. Нәзек кенә агым белән крахмал катнашмасын кайнап торган суга салабыз һәм болгатып торабыз.
4. Куерганчы, 2-3 минут пешерәбез.
5. Бүлмә температурасына калганчы суытабыз һәм пластик шешәгә салабыз..

Орлыклар әзерләү

Орлыкларны алдан чиста суга батырып бераз бүрттереп була. Болай алар тизрәк шытып чыгарлар. Шул орлыкларны пластик шешәдәге кисельгә салып, бөке белән ябып, яхшылап болгатабыз.

Орлыкларны кисельдә берәр тәүлеккә  салкынча урында калдырып торырга да мөмкин. Бу шулай ук шытымнар барлыкка килүне 2-3 көнгә тизләтәчәк.

 Чәчүлек җир

 Түтәл әзерләү: Туфрак көпшәк, уңдырышлы һәм яхшы дренажланган булырга тиеш. Грунт әче булса, көл яки доломит он кертегез.

• Черемә, компост яки комплекслы ашлама өстәгез.
• Җир утырып өлгерсен өчен, түтәлне чәчүгә 10-14 көн кала әзерлиләр.

Чәчәбез:

1. Бер-берсеннән 15-20 см аралыкта 1-2 см тирәнлектә буразналар ярабыз.
2. Буразналарга су сибәбез дә, төбен җиңелчә тыгызлыйбыз.
3. Кисельне шешәдән нәзек кенә агым белән бөтен буразна буйлап тигез итеп агызабыз. Агым нечкәргән саен, орлык тигезрәк ята.
4. Буразналарга көпшәк туфрак яки вермикулит (1-1,5 см катлам) сибеп чыгабыз.

Кишер, зур һәм татлы булып үс!