Гөбәдия һәм төрле бәлешләр өчен бик тәмле камыр әзерләү

Мондый камырдан пешерелгән гөбәдия, шулай ук алма, кәбестә бәлешләре искермичә озак саклана, бик йомшак һәм тәмле була.

Кирәк булачак: 150–200 грамм атланмай, 1 стакан сөт, 3 йомырка, 1 чәй кашыгы тоз, 3–4 аш кашыгы шикәр комы, 1 кап коры чүпрә, 4–5 стакан он (сыеграк булса, өстисе).

Камыр басабыз, әмма кабартырга куймыйбыз. Гөбәдия яки бәлешне ясаганнан соң гына кабартырга куябыз. Бу рецепттан ике бәлешкә җитәрлек камыр чыга.