КАМЫРДА ПЕШКӘН ТӘМЛЕ БАЛЫК

Клярда пешерү өчен форель, тилапия бик тәмле. Балыкны вак кисәкләргә бүлеп, тоз сибеп, 15 минут тотарга.
Кляр: 3 йомырка, 2-3 аш кашыгы он, тәменчә тоз.
Йомырканың агын миксер ярдәмендә ап-ак күбек барлыкка килгәнче күпертергә. Сарысына тоз, он кушып, аерым савытта болгатырга. Килеп чыккан ике массаны кашык ярдәмендә бергә кушарга. Балык кисәген чәнечке белән клярга манып алып, кызган майда пешерергә. Артык мае сеңсен өчен, салфеткага тезә барырга кирәк.
Гөлүсә РӘХМӘТУЛЛИНА.