Сабын калдыкларыннан сыек сабын ясау ысулы

Иң элек сабын кисәкләрен уклау белән изеп ваклыйбыз. Болай алар бик җиңел ваклана. Шуннан сабын вагын кайнар суга салып (1 стакан кайнар суга 1 аш кашыгы сабын вагы исәбеннән) эретәбез. Эремәгә глицерин (1 стакан эремәгә 1 аш кашыгы) һәм лимон кислотасы порошогы (1 стакан эремәгә 0,5 чәй кашыгы) өстибез. Катнашманы 2-3 тәүлек тотабыз. Шуннан, дозаторлы савытка салып, рәхәтләнеп кулланабыз.

Чыганак: «1001 киңәш».