Ипи пешерүчеләр нинди зарарлы матдәләр куллана?

Уңган хуҗабикәләр моны яхшы аңлый - ипи кайчакта уңмаска да мөмкин. Бу күп факторларга бәйле, камырга гына түгел, һәтта һава торышы да йогынты ясый, диләр. Ә җитештерүчеләргә мондый күңелсез хәлгә тарырга ярамый -  кибетләр көн саен алардан ипи көтә! Шуңа күрә җитештерүчеләр камырга Е924 куша. Калий броматы яки Е924 камыр кабарсын, уңсын өчен кулланыла.

Мондый икмәк-күмәчләр, гадәттә, кыйммат булмый, шуңа күрә сатып алучылар арасында аңа ихтыяҗ зур.

Әмма соңгы тикшеренүләр аның калкансыман биз онкологиясе барлыкка килүен һәм бөер эшчәнлегенә зыян салуын күрсәткән. Шул сәбәпле кайбер илләрдә Е-924 куллану тыелган, әмма безнең илдә аңа бик игътибар бирелми, экспертлар ипиләрне тикшергән вакытта ул матдәне еш табалар, ди. 

Үзең салып ашауга җитми инде! 

Чыганак: Сәламәтлек төркеме.