Кемнәргә мандарин ашарга ярамый?

Бавыр һәм бөер авырулары булган кешеләргә мандаринны күп ашарга ярамый. Бигрәк тә - нефрит, гепатит, холецистит авырулары баш калкытканда. 

Ашказаны-эчәк системасы авырулары булган кешеләргә дә аны күп кулланырга киңәш ителми. Мандаринда ашказаны-эчәк трактының лайлалы өлешен ярсыта торган кислота бар, шуңа күрә ул ашказаны яисә эчәкләре ялкынсынган кешеләргә бик килешми. Гастрит вакытында да мандаринган саграк карарга кирәк.⠀

Аллергиясе булган кешеләргә дә мандарин ярамаганын беләбез. Цитруслы җимештән тән тиресе кычытырга, кызарырга, күз яшьләнеп чыгарга мөмкин.

⠀Хатын-кызларга гына кагыла: йөклелек һәм бала имезгән вакытта мандаринны чикләргә киңәш ителә.

⠀ Сәламәтлекләре ныклы булганнаргп һәм өлкәннәргә табиблар көненә иң күбе дүрт-биш данәгә кадәр мандарин ашарга киңәш итә, ә балаларга нибары икәү дә җитә, диләр.

Чыганак: Сәламәтлек ТГ каналы.