Белеп тор, кирәге чыгар!

Виноградны кран астында яхшылап юып булмый. Шуңа күрә 1 литр суга 1 чәй калагы сода һәм аш серкәсе салып виноградны шул суда 15 минут тотарга кирәк. Аннан яхшылап чиста суда чайкатырга. Болай иткәндә виноград нитратлардан һәм токсиннардан чистарыр.

**

Ак носкиларны юар алдыннан 1-2 сәгатькә бор кислотасы эремәсенә салып торыгыз. 10 литр суга 2 аш кашыгы бор кислотасы кушарга кирәк. Аннан гадәттәгечә юарга гына кала. Оешкбашлар ап-ак була.

**

Аш-су бүлмәсендәге тастымалларны 1 сәгатькә аш серкәсе өстәлгән суга салып торыгыз.

**

Джинсы чалбарның төсе чыкмасын өчен, юар алдыннан берничә сәгатькә тозлы суга салып торалар.

**

Шомартылган һәм лакланган мебельдәге тузанны чиста һәм йомшак тукыма яки бәрхәт белән сөртеп алалар. Дымлы чүпрәк лакның ялтыравыгын бетерә.

**

Көзгегә чебен кунмасын өчен, аны чи суган белән ышкыгыз да, коры чүпрәк белән сөртегез.

**

Әгәр чиста тәрәзәләрне керосинлы су белән сөртсәң (3 литр суга бер аш кашыгы исәбеннән) алар ялт итеп торачак.

**

Тәрәзә рамнарын буяр алдыннан пыяланы киселгән суган белән ышкыгыз, бу буяу тапларын тиз сөртеп алырга ярдәм итә. Яки пыялага суга манылган гәзитләр ябыштырыгыз. Болай эшләгәндә буяу пыялага эләкмәс.

**

Пычрак пыяла графиннар һәм вазаларны аш серкәсенә тоз кушып чистарталар.