Мандарин, апельсин кабыкларын ташламагыз

Аларның составында сера, азот, кальций, магний, калий, фосфор һәм башка файдалы микроэлементлар бар. 1 литрлы банканың өчтән бер өлешенә шул кабыкларны салыгыз. Күмелгәнче җылы су агызыгыз һәм бер тәүлек торсын шулай. Аннан соң кабыкларны аласыз да судан, банка тулганчы су өстисез һәм гөлләргә сибәсез. Мандарин, апельсин кабыкларыннан бүленеп чыккан эфир майлары исеннән гөлләр төбендә булган кортлар да, вак чебеннәр дә юкка чыга.

"Бакчачылар һәм гөлләр яратучылар" төркеменнән.