Нарат күркәсеннән кайнатма ясап алыйк: Саулык өчен нык файдалы

• Иң башта нарат күркәләрен яхшылап юабыз, урман-яланнан кайткан бөҗәкләрдән чистартабыз.
• Нарат күркәләре кайнатмасы дәвалау максатыннан да кулланыла. Йөткергәндә, сулыш юлларын киңәйтер өчен бик әйбәт әйбер инде бу.
• Интернет киңлекләрендә төрлечә язалар. Күркә күләменнән суны 1-2 сантиметр гына артып торырлык итеп кайнатырга куябыз. Бер 20-25 минут кайнатасы. Бу – аның тәмнәре чыксын, дәва үзлекләре ныклап ачылсын өчен дә яхшы.
• Аннан соң шул суында 10-12 сәгатькә калдырабыз.
• Аннары суны күркәләрдән, алардан купкан әйберләрдән сөзеп алабыз. Һәм 1 литр суга 1 кило шикәр исәбеннән кайнатмабызны кайнатабыз. Ул желе кебек була. Шуннан соң, матурлык һәм тәм өчен, бераз күркәләрне салабыз.

Зөһрә ГАРИФУЛЛИНА рецепты.

Юлай НИЗАЕВ фотосы.