Стаканда чизкейк әзерлик

Тәмле десертлар еш кына озак һәм катлаулы әзерләнә шикелле. Әмма аларның җиңел аналогларын нибары 10 минут эчендә ясарга мөмкин.

Чизкейкны гына алыйк – күп кенә хуҗабикәләрнең фаворит десерты. Аның рецепты шактый гади, ә десерт үзе стаканга сыешачак.

4 аш кашыгы грек йогурты, 250 г эремчек сыры һәм 2 аш кашыгы шикәр комы кушып болгатыгыз – крем хасил булачак. 100 г печеньены ваклап ваклагыз.

Матур стакан яки креманка алыгыз. Десертны катламлап тезегез: башта печенье, аннары крем һәм 300 г чамасы үзегез теләгән җиләк, өстеннән бөтнек белән бизәгез. Аны шундук чәй табынына чыгарыгыз: чизкейк көтәргә яратмый!

Юлай НИЗАЕВ әзерләде.

Фото: "Дарья" журналы.