Ураза гаете иртәсенә тәмле тәбикмәк рецепты

Гади генә тәбикмәк!

1 чәй калагы чүпрәне ярты стакан җылы сөткә салабыз. Аннан соң бер аш калагы шикәр комы салып күпертеп алабыз.

Ярты литр сөт җылытып,1 йомырка, 1.5 чәй калагы тоз, 2 аш калагы шикәр комы, 4-5 аш калагы көнбагыш мае, күпергән чүпрәне салабыз табакка.

Шуннан соң он салып тугылыйбыз да, әчетергә, кабартырга куябыз. Әзер булгач, кызган коры табада пешерәбез, өсләрен эретелгән ак май белән майлап барабыз!

Танылган аш-су блогеры Мәрьям Миңнегулова рецепты.