Тары ярмасының искиткеч файдалы ягы бар

Бу хакта популяр блогер, халык медицинасы белгече Гөлшат Әтнәгулова яза.

ТАРЫ ЯРМАСЫ - КАН БАСЫМЫН КӨЙЛИ

Тары ярмасы углеводлардан тора. Клетчаткага, майларга һәм аксымнарга бай. Макро һәм микроэлементлар күп. Составында кремний, фтор, тимер, марганец, магний һәм бакыр бар.

Тары ярмасын иртән ач карынга 1 чәй кашыгы ашаганда, дәвалау үзлегенә ия икән, дуслар! Моның өчен юылган чи тары чәйнибез.

Теләсә нинди басымны нормальләштерә, югары булса да, түбән булса да.

Шулай ук организмнан токсиннар һәм антибиотикларны чыгарырга сәләтле.

Кремний һәм фторның күп булуы аркасында сөякләрне, тешләрне, чәчләрне һәм тырнакларны ныгыта. Ә бакыр мускулларга һәм сөякләргә эластиклык бирә.