Аш-су бүлмәсендә...

Боларны белеп торырга кирәк.

(Дәвамы)

11. Әгәр лимоннан (бөтен лимоннан) сут сыгарга кирәк икән, башта аны кайнар суга салып торырга, аннары өстәлдә тәгәрәтеп алырга, аннары кисеп сыгарга кирәк.

12. пешергәнче кыздырып алган карабодай ярмасыннан ботка тизрәк пешә, таралып торган һәм хуш исле була. Ярманы чуен табада духовкада берничә минут кыздырып алырга киңәш ителә.

13. С витамины борщ һәм щига караганда, куе ашларда (ярмалы, бәрәңге ашларында) яхшырак саклана. Бәрәңге һәм ярмалардагы крахмал витаминны таркалудан саклый.

14. Бәрәңге һәм ярма булмаган яшелчә ашларына бераз кыздырылган он салырга киңәш ителә – алар куерак һәм тәмлерәк булыр.

15. Яшелчә ашына сөт, катык яки каймак кушсаң, тәмлерәк һәм туклыклырак булачак.

16. Әгәр сез бәрәңге ашын составында кислота (тозлы кыяр, кузгалак) булган яшелчәләр белән пешерсәгез, яшелчәләрне иң ахырда салыгыз, югыйсә бәрәңге каты була.

17. Кыздырылган бәрәңгене яхшылап кызаргач кына тозлагыз, югыйсә, тоз май белән кушыла һәм телемнәр формасын югалта, бәрәңге тәме дә кими..

18. Кислота яшелчәләрне пешерүне акрынайта. Шуңа күрә серкә, лимон кислотасы, томат-пюре һәм чи помидорларны яшелчәләр әзер диярлек булганда өстиләр.

19. Бәрәңге тизрәк пешсен өчен суга бераз май өстәргә кирәк.

20. Бәрәңге пешергәндә үк бераз сарымсак, дәфнә яфрагы һәм бераз серкә, әлбәттә, тоз өстәсәң, ул чагында бәрәңге хәтта салкын килеш тә бик тәмле була.

21. Бәрәңге боламыгы ясаганда салкын сөт салмагыз, ул аның төсен күгәртер, анда төерләр хасил булыр. Боламыкны сыеклаганчы, сөтне кайнатып чыгарга, даими болгатып, акрынлап өстәргә кирәк.

22. Әгәр савыт-сабага балык яки суган исен сеңеп калган икән, аны серкә салынган су белән чайкарга кирәк, ул чагында ис юкка чыгачак.