Сакланганны саклармын дигән...

Тәү чиратта җирән кыр тычканнары куркыныч тудыра. Алар кешенең бөеренә зыян салучы геморрагик бизгәк (ГЛПС) йоктыручылар. БР Гигиена һәм эпидемиология үзәге тикшеренүләр нәтиҗәсендә кимерүчеләрнең ГЛПС вирусын йоктыру дәрәҗәсен 5 процент күләмендә дип билгеләгән.
"Роспотребнадзор"ның БР буенча идарәсе белдерүенчә, песиләр кимерүчеләр белән көрәштә зур ярдәмче. Алар бу бизгәк белән авырмыйлар һәм вирус та йоктырмыйлар. Иң мөһиме , аларга прививка ясалган һәм паразитлардан эшкәртелгән булырга тиешләр. Песидән тыш, кимерүчеләргә каршы көрәштә тозакларр, төрле алдаткычлар, җилемле тасмалар һ.б.лар ярдәм итә.
Салкыннар башлангач һәм туклану катлаулана башлагач, вак кимерүчеләр өйләргә , яшелчә, ашлык һәм печән запаслары сакланган хуҗалык төзелешләренә күченә башлый.
Белгечләр тычкан бизгәгеннән саклану өчен түбәндәге профилактик чараларны үтәргә киңәш итә:
-кимерүчеләр өй эченә керә алмасын өчен вак рәшәткәләрне, вентиляция тишекләрен капларга;
-инструкциясенә ярашлы агулы җимнәрне таратып куярга яисә аулак урыннарда балалар һәм йорт хайваннары күрмәслек механик тозаклар урнаштырырга;
-ихата һәм биналарны чүп-чардан, ботак һәм яфраклардан, бер урынга өелгән әйберләрдән даими рәвештә тазартып торырга.

Фото:кулебаки-округ.рф