Үзегездә сынагыз!

Уфа республика җәмәгатьчелек сәламәтлеге һәм медицина профилактикасы үзәге белгечләре галимнәр тикшергән ысул турында белдерәләр. Әлеге ысул биологик яшьне һәм сәламәтлекнең гомум торышын билгеләргә булыша. Ысул гәүдә тигезлеген (баланс) тикшерүгә нигезләнгән.
Бу тест "торна позасы" буларак танылган киң билгеле күнекмә. Күнекмәне ясаганда кеше күзләрен йомарга һәм мөмкин кадәр озаграк тигезлекне саклап, бер аякта басып торырга тырышырга тиеш. Тигезлекне саклау организмның мускул, нерв системасы һәм вестибуляр аппараты кебек төрле системалар торышына турыдан-туры бәйле.
Тикшеренүләргә ярашлы, кеше тигезлекне азрак вакыт саклаган саен, сәламәтлеге белән җитди проблемалары булу ихтималлыгы да зуррак.
Төрле яшь категорияләре өчен нормалар түбәндәгечә:
18–39 яшь: 43 секунд;
40–49 яшь: 40 секунд;
50–59 яшь: 37 секунд;
60–69 яшь: 30 секунд;
70–79 яшь: 18–19 секунд.