Үзе тәмле, үзе файдалы

Мандарин яңа елны хәтерләтә. Бәйрәм табыны ансыз үтми. Кибетләрдә аның нинди төре генә юк. Файдалы яклары да байтак бит әле.

*Иммунитетны ныгыта. С витамины иммун күзәнәкләрен активлаштыра һәм организмга вируслар һәм инфекцияләр белән көрәшергә ярдәм итә.

*Эчәклек эшен нормальләштерә. Мандарин җимешләрендә клетчатка күп микъдарда була, ул файдалы бактерияләр популяциясе үсешен стимуллаштырырга ярдәм итә.

*Холестерин дәрәҗәсен контрольдә тота: организмда «начар» холестерин эшләп чыгаруны тоткарлый.

*Тире һәм чәчнең торышын яхшырта. Аскорбин кислотасы сөякләр, сеңерләр, чәч һәм тырнаклар сәламәтлеге өчен җаваплы коллаген синтезын стимуллаштыра.

*Күрү сәләтен яхшырта. А витамины күрү үткенлеген арттыра, мөгезкатлауны ныгыта, төнге күрүне яхшырта һәм лайлалы тукымаларны саклый.