Көз һәм аяк киемнәре

*Кайбер аяк киемендә шыгырдау тавышы барлыкка килә. Аны чыгарып ташлап та булмый, ремонтка биреп тә, файда юк. Йөрисең агач аяклы әкият персонажы кебек шыгыр-шыгыр...

Мондый аяк киеменең табанын эчке ягыннан да, тыштан да фен белән өрдертергә һәм тапарга ки­рәк икән. Шул рәвешле 2-3 тапкыр эшләсәң, аяк киеме шыгырдамый башлый.

*Аяк киеме дымлана һәм исләнә торган вакыт. Нишләргә? Гади чәй пакетлары сезгә ярдәмгә килер. Кичтән аяк киеме эченә салып калдырсагыз, иртәнгә бер ис тә калмас.

*Йөгерү өчен тәгаенләнгән леггинслар “термобелье”га караганда җылыны яхшырак саклый.

* Яңгырлы көннәрдә күн аяк киемегезне саклыйм дисәгез, резин итекләр киегез. Озынлыгы, төсе һәм фасоны буенча өс киемегезгә туры килгәнен сайлап алсагыз, урам уртасыннан китеп баручы көтүчене хәтерләтмәссез.