Кара миләш кайнатмасы

Аның өчен 1 кг кара миләш, 1 кг шикәр комы, 1 стакан су кирәк. Шулай ук бу кайнатмага 1 кг туң чия, 0,5 кг туң җир җиләге салырга мөмкин.

Башта ширбәт ясарга - суга шикәр комы салып кайнатып чыгарырга кирәк. Ширбәткә миләшне салып 3-4 минут болгаткалап кайнатканнан соң  чия һәм җиләкне салабыз.  4-5 минут кайнатабыз һәм сүндерәбез. Кайнатма суынгач, яңадан 10 минут кайнатып алырга кирәк. Шулай ике тапкыр кабатлана.

Кайнатма куе һәм тәмле килеп чыга. Кайнар килеш банкаларга салырга, әмма кайнатма суынгач кына каплап куярга киңәш ителә.