Алма бәлеше эчлеге рецепты

Быел Башкортстанда алма елы түгел, әлбәттә. Шулай да алма бәлеше  өчен яраткан эчлекне ясамый булдыра алмадым. Тартмасы белән сатып алдым да эшкә керештем.

Кирәк булачак:

3 кг алма, 800 гр шикәр комы.

Алманы юып, фотосурәттәгечә уртача зурлыкта турыйбыз һәм эмаль савытка салып, өстенә шикәрне салабыз. Яхшылап болгатабыз. Бераздан шикәр эреп беткәч, талгын утка куеп, әлеге массаны  болгата-болгата 2-3 минут кайнатабыз. Һәм стерильләштерелгән банкаларга тутырып, тимер капкач белән ябабыз. Кышын әлеге эчлектән бик тәмле бәлешләр пешерергә мөмкин.