Черки тешләмәсен дисәгез...

Җәйге мизгелдә һавада бөҗәкләр күп, черкиләр дә тешләргә мөмкин. Мондый тешләүләр һәркемгә төрлечә тәэсир итә. Шул урын кызара яки шешеп чыга.

Моны булдырмас өчен түбәндәге чаралар ярдәм итәр:

*Камфара мае (камфорное масло). Черкиләр әлеге исне яратмый икән. Тәнгә я киемгә бераз гына тигерсәгез дә, черкиләр урап узачак.

*Ванилин исе шулай ук черкиләрне куркытачак. Суга ванилин салып, тән я киемгә тигерсәгез, ярдәме тими калмас.

*Валериан исе дә- черкиләрне куркытучы исләр исемлегендә.

*Эфир майлары (эвкалипт, базилик, канәфер һ.б.), суга тамызып сөрткәндә, шулай ук ярдәмгә киләчәк.

*Шомырт яки миләшнең яфрагын уып, черкиләр кунарлык урынга сөртергә дигән ысул бар.

Тешләнгән урын тизрәк төзәлсен, кычытмасын өчен, шул урынга спирт, одеколон кебек антисептик чара белән эшкәртергә кирәк.