Үзеңнеке тәмлерәк

Сельд, скумбрия һәм башка төрле тыгыз ак итле балыкны һөнәри пешекчеләр түбәндәгечә тозлыйлар икән.

Шулай итеп,  100-150 грамм тоз, лавр яфрагы, берничә кара борыч , берничә канәфер (гвоздика) бөртекләре салынган 1 литрны суны кайнатырга.  Балык йомшаграк һәм хуш ислерәк булсын дисәгез, тозлыкка бераз шикәр комы яисә бал кушарга мөмкин. Кайнап чыккан тозлыкны тулысынча суытырга. 

Тулысынча эретелгән балыкка суытылган тозлыкны коярга. 1дән 3 көнгә кадәр, ягъни үзегезгә ошаган тәм кергәнгә кадәр, балыкны шушы тозлыкта тотарга.

Өстәмә киңәшләр: тозланган балыкны артык тоз һәм тәмләткечләрдән арындыру өчен су астында чайкатып алыгыз. Шуннан соң тулысынча ашарга ярарлык итеп өлгерсен өчен балыкны суыткычта 12 сәгатьтән алып бер-ике көнгә кадәр тотыгыз. Бу ысул тозның балык итендә  тигез итеп сеңү мөмкинлеген бирер.

Тозланган балыкны суыткычта гына сакларга.

 

Фото:buroperevodov.su