Кичәге чәйне эчмәгез!

Табиблар һәм чәй җитештерүчеләр бу эчемлекне яңа пешкән килеш кенә эчәргә киңәш итәләр. Алай чәй тәмлерәк һәм хуш исле булганга күрә түгел.

Әгәр эчемлек берничә сәгать эчелмичә тора икән, кислород тәэсирендә аңарда бактерияләр һәм зарарлы кушылмалар барлыкка килә башлый. Чәйнең өстендә ул тыгыз кара пленкага әверелә, ә түккәндә савытка сылашып кала. Бу матдәләр ашказаны-эчәк тракты органнарына, бигрәк тә бавырга алама тәэсир итә.

Японнар көне буена торган чәйне «елан тешләвеннән дә аламарак» дип саныйлар, ә кытайлар андый чәйне агу белән чагыштыралар.