Дәвалап була

Соңгы арада күпләр муен тирәсендәге авыртуларга зарлана. Чөнки телефонда күп утырыла, эштә дә компьютердан файдаланабыз. Шуңа күрә муен остеохондрозыннан әлеге рецептны белеп тору зыян итмәс.

Кирәк була:

*Чистартылмаган исле үсемлек мае (нерафинированное масло)

*Вак тоз (диңгез тозын да кулланырга була, кофемолкада ваклап)

«Дару»ны тулы бер дәвалану курсы өчен әзерлибез:

-10 аш кашыгы вак тоз өстенә -20 аш кашыгы май агызабыз.

-Яхшылап болгатып, берничә көнгә куеп торабыз.

-Нәтиҗәдә ак төстәге масса барлыкка килергә тиеш.

-Аны һәр көнне муенга сылап, массаж ясыйбыз.

-Башта ике-өч минут кына, һәр көнне икешәр минут өстәп барып, егерме минутка кадәр арттырасыз.

-Массаж ясап бетергәч, муенны дымлы җылы сөлге белән сөртәбез.

Ун процедурадан соң алга китешне сизәрсез. Дәвалану барышында матдәләр алмашы да яхшырачак.