Сихәтле чәй

Чәй - татар халкының иң яраткан эчемлеге. Чәйнең файдасын санап бетереп булмый.

*Анда 500 гә якын микроэлемент, аксым, аминокислота, углевод һәм витамин бар;

*Сусауны баса, көч кертә; әгәр арысагыз, башыгыз авыртса, дару йотарга ашыкмагыз, бер чынаяк куе чәй эчеп куегыз;

*Баш мие эшчәнлеген яхшырта, акыл активлыгын үстерә;

*Организмнан агулы матдәләрне, токсиннарны чыгара, файдалыларын тоткарлый, талчыгуны бетерә;

*Ашкайнатуны яхшырта, күтәренкелек хисе уята;

*Әгәр туңсагыз, бер чынаяк чәй сезне җылытып кына калмас, салкын тиюдән дә, зарарлы микроблардан да саклар;

*Бөтнекле, мәтрүшкәле чәйләр авыруларга каршы тору сәләтен арттыралар.

*Көн саен чәй эчү организмны С витаминына туендыра, җәй көне исә тир белән бүленеп чыккан кальций микъдарын тулыландырып тора.