Ә сез әдәплеме?

*Әгәр дә сезне кунакка чакырганнар икән, табын артында утырганда сәясәт, дин, сәламәтлек һәм акча турында сөйләшмәгез.

*«Күлмәгең матур! Ничә сум тора?» дип сорый калсалар, бәясен әйтмәгез, елмаеп, бүләк иттеләр диегез.

*12 яшьтән һәр кешегә «сез» дип мөрәҗәгать итәргә кирәк. Машина йөртүчегә дә, официантка да «син» дияргә ярамый. Эш урынында, якын танышыгыз булса да, кеше янында сез дип сөйләшегез.

*Халат белән пижаманы өйдә иртән ваннага юынырга кергәндә яки кич белән юынып чыккач йокларга әзерләнгәндә генә кияләр. Өйдә, гадәттә, футболка, күлмәк, чалбар, итәк кияләр.

*Бала икенче бүлмәдә яши башлагач, аның бүлмә ишеген шакып керә торган булыгыз.

*Целлофан һәм бутикларда бирелгән кәгазь пакетларны кибеттән кайтканда гына тота аласыз, аларны сумка урынына тотып йөрү - саранлык билгесе.

*Өстәл артында туры утырырга кирәк, урындыкның аркасына ятмыйча.

* Заказ һәр кунакка китерелгәч, ризыкны башларга мөмкин.

*Кайнар ризыкка өрмиләр, ә суынганын көтәләр.

*Өстәлдә телефон аша сөйләшү әдәпле түгел.

*Тулы авыз белән сөйләшергә ярамый.