Яшел соус

Телеңне йотарлык тәмле соус белән сыйланыгыз әле!

Яшел соус тәмләп караганыгыз бармы, дуслар? Булмаса, мотлак әзерләп, йорттагы якыннарыгызны сыйлагыз. Искиткеч тәмле була! Аның өчен әллә ниләр дә кирәкми, кибетләрдә бары да бар.

Ә хәзер түбәндәге ингредиентларга күз салыйк:

Зур чемтем үләннәр – укроп, петрушка, яшел суган һәм шпинат алыгыз. Теләге булганнар базилик белән орегано да куллана ала.

250 г. каймак кирәк булыр;

3 пешкән йомырка;

3 аш кашыгы ак “винный” дип аталучы серкә;

6 аш кашыгы көнбагыш мае;

1 аш кашыгы горчица;

тоз, борыч, шикәр комы.

Әзерләү:

Йомырка сарыларын чәнечке белән изәбез, аны көнбагыш мае белән кушабыз. Горчица һәм серкә өстибез. Шикәр комы, тоз, борыч – тәменчә. Барысын бергә бер төрле масса булганчы болгатабыз.

Уңайлы бер савытка каймак салабыз. Яшел үләннәрне я вак кына итеп турыйбыз, я ит тарттыргыч аша үткәрәбез. Кемгә ничек ошый инде.

Каймакны яшел масса белән бергә кушабыз. Йомырка сарысын өстибез, барысын бергә бертөрле булганчы болгатабыз.

Йомырка агын вак кына турап, анысын да өстәге массага кушып җибәрәбез.

Бу матур тәмлекәчне бүлмә температурасында берәр сәгать тирәсе тотабыз. Яшел соусны пешкән бәрәңге, ит һәм башка ризыклар янына бирергә була. Ашыгыз тәмле булсын!

Фото: vk.com

Чыганак: vk.com

Читайте нас:

Об использовании персональных данных

Баш мөхәррир: Рәдис Гыйльван улы Ногманов

Телефон

8 (347) 273-94-38

Электрон почта

[email protected]

Адресы

450079, Республика Башкортостан, г. Уфа, ул. 50-летия Октября, 13, Дом печати, 9 этаж

Реклама хезмәте

8 (347) 273-64-81

Кабул итү бүлмәсе

8 (347) 273-94-56