Барлык яңалыклар
Файдалы киңәшләр
21 июнь 2019, 13:52

Бурычка батмас өчен моны белергә кирәк

Бурыч сазлыгына батып, туганнарны, гаиләне авыр хәлгә куеп, тормыш ямен җибәрмәс өчен берничә киңәш.

Бурыч сазлыгына батып, туганнарны, гаиләне авыр хәлгә куеп, тормыш ямен җибәрмәс өчен түбәндәге киңәшләргә колак салыгыз:
• Кредит алыр алдыннан үзегезгә түбәндәге сорауларны биреп карагыз: чыннан да, сезгә кредит алу кирәкме? Әллә сез бу проблеманы башка юллар белән дә хәл итә аласызмы? Кредитны вакытында түләп бара алуыгызга ышанасызмы? Хезмәт хакыгыз кредит түләп барырга җитәчәкме?
• Кемдер сораганга, бигрәк тә кредит кирәк булган кеше безнең ил гражданы булмаганда, үз исемегезгә кредит алудан баш тартыгыз!
• Таныш булмаган кешегә паспорт турындагы мәгълүматны бирергә, шикле җирләрдә паспорт копияләрен калдырудан сак булыгыз.
• Паспортыгызны югалтсагыз, күңелсез хәлләргә юлыкмас өчен, шул ук көнне полиция бүлегенә барып, паспорт югалту турында гариза язарга кирәк.
• Түләнми калган тиеннәр калмадымы, кредитның без күрми калган шартлары булмадымы икән дип борчылып йөргәнче, кредитны ябып бетергәч тә, банктан кредитны түләп бетерүегез турында белешмә алыгыз. Аны һәрбер банк бирергә бурычлы.
• Кредитны түләп бетергәннән соң да түләү кәгазьләрен, квитанцияләрне өч ел сакларга киңәш ителә.
Читайте нас в