2026 елда Ураза һәм Корбан бәйрәмнәре кайчан була?

Башкортстанда 2026 елга Ураза һәм Корбан бәйрәмнәре даталары билгеләнде.

Киләсе елда мөселман бәйрәмнәре март һәм май айларында узачак, алар ял көннәре булачак. Шул хактагы карарга Башкортстан Хөкүмәте премьер-министры Андрей Назаров кул куйган.

Документка ярашлы, республика халкы Ураза бәйрәмен – 20нче мартта, ә Корбан бәйрәмен 27нче майда билгеләп үтәчәк.

Исегезгә төшерәбез, бу ике бәйрәм – исламда иң төп бәйрәмнәр. Ураза бәйрәме Рамазан аенда ураза тәмамлануын аңлата. Аннан 70 көннән соң хаҗ тәмамланган көнне Корбан бәйрәме билгеләнә.