Ураза тотуның нинди файдасы бар?

 Ураза – гыйбадәт, ул Аллаһы Тәгалә өчен башкарыла. Әмма Аллаһы Тәгаләнең өстебезгә йөкләгән һәр гыйбадәтендә тәнебезгә дә, рухи халәтебезгә дә файда бар.

-Ураза ризык кабул итүдән генә тыелу түгел, безнең уй-фикерләребез дә уразада. Рамазан аенда кеше төрле начар фикерләрдән, гайбәт сөйләүдән тагын да күбрәк тыелып тора.

-️Шулай ук тәнебез дә пакьләнә: ашказаныбыз ел дәвамында җыелган зыянлы, токсинлы матдәләрдән арына.

-️ Ураза – ул Аллаһы Тәгалә биргән нигъмәтләр өчен шөкер итү. Шөкер итү акыл ягыннан да, шәригать буенча да фарыз.

-️ Ураза фәкыйрьләргә мәрхәмәтле булырга өйрәтә. Байларга ел буе ач торган фәкыйрьләрнең хәленә керергә ярдәм итә.

-️Ураза шәһвәтне (җенси теләкләрне) тыя, чөнки күзгә матур булып күренгән нәрсәләр җенси теләкләрне уята. Ач торганда исә тыелып калып була.

Йә, Раббым, һәрберебезгә дә бәхетле киләчәк, матур тормыш насыйп итсәң иде...Туасы таңнарыбыз якты, үзебез исән-сау, илебез тыныч булса иде.

-Аллаһы Тәгалә, Рамазан аенда кылган гыйбәдәтләребез, ихлас күңелебез белән укыган догаларыбызны,теләгән теләкләребезне, укыган намазларыбызны,тәрәвихларыбызны, үткәргән ифтар мәҗлесләребезне кабул кыл! Өйләрендә хәләлдән тапкан малларын җәлләмичә, Раббыбыз Аллаһның ризалыгы өчен дип ифтар үткәрүче кардәшләребездән, анда ярдәм итүчеләрдән, әзерләүчеләрдән, әз генә булса үз өлешләрен кертүче бәндәләреңнән разый булсаң иде. Аларга дөньялыктада ахирәттәдә хисапсыз әҗерләр насыйп әйләсәң иде Рамазан аен уңышлы тәмамлап, киләсе Рамазаннарны күрү бәхетенә ирешүләребезне насыйп ит, Раббым Аллаһ! Амиин

Чыганак: "Биккол авылы мәчете" төркеме. 

Автор фотосы.