Уразаларыбыз кабул булсын

Ифтарлар биредә ямьле үтә.

Көтеп алган Изге Рамазан аеның барлык фазыйләтләренә өстәп, аның безне очраштыра, бер табыннар артына җыя торган ай булуын да әйтеп китәргә кирәктер. Чөнки Ходай ризалыгына багышлап тоткан уразаның чираттагы көнен матур ифтар белән тәмамлап кую үзе бер осталык. Рамазанны зурлаган, аның изгелеген, кадерен аңлаган күп мөселман кардәшләр ифтарны истә калырык итеп уздырырга ярата. Чөнки гадәти айларда еш очрашу форсаты булмаса, Рамазан ае туганлык, дуслык күперләрен аеруча ныгытучы ай да булып тора.

Ифтарларда табынның мул булуы, анда иң шифалы хәләл ризыклар урын алуы өстенлекле. Туганнарың, дусларың белән бергә җыелышып утыру өчен нәкъ шундый урын табасы килә. Һәм андый урын бар!

Соңгы елларда безнең Уфабызда да шундый күркәм кунак йорты эшли башлады. Ул Горбатов урамында 2 санлы йортта урнашкан “Заман” хәләл рестораны. Хәләл! Менә безне чакырып, ымсындырып торучы шушы хәләл шарты төп игътибарны җәлеп итә дә инде. Башкала мохитенә күркәм күренешне ачкан урында, биек катта урнашкан “Заман”  ресторанын һәр кунакка тәкъдим итү дә дәрәҗәле. Чөнки бер тапкыр монда килгән кеше, чираттагы ялын кайда уздыру турында баш ватмый, һич икеләнми шунда юл ала. Чөнки анда гаилә белән ял итү өчен барлык шартлар булдырылган.

Бу затлы кунак йортында Ислам дине кануннары яхшы саклана. Намаз укыган кешеләр өчен тәһарәт алу уңайлыклары һәм намаз бүлмәсе бар. Хәләл меню хәтта ки Ислам динендә булмаган кешеләрне дә, үзенең  тәмлелеге, сыйфаты белән җәлеп итә – яраттыра! Ризыкларның киң төрлелеге, югары сыйфатлы булуы сәбәпле биредән һичкайчан кеше өзелми!

Йөз урынга исәпләнгән, бары тик хәләл ризыклар әзерләүгә махсуслашкан әлеге ресторан заманча җиһазлар белән тәэмин ителгән, барлык җирдә чисталык, пөхтәлек, хезмәткәрләр һәр кунакны якты йөз белән каршы ала, тәмле ризыклар белән сыйлап озата.

“Бисмиллаһ” әйтеп, күңел җылысын  кушып әзерләгәнгә күрәдер, һәр ризык телеңне йотарлык. Ресторанда, башлыча, без яраткан милли ризыкларга өстенлек бирелә. “Гөлчәчәк”, “Нурлы”, “Чаткы”, “Чара”,  “Хәтирә”, “Байлык”, “Хәзинә”, “Ханбикә” кебек җырлап торган һәм башкача матур итеп аталган аш-сулар төрлелеге кунакларның яраткан ризыклары.

Биредә инде никахлар, туйлар Рамазан аена кадәр үк бик күркәм шартларда уздырыла килде.  Сабыйлар, балалар өчен милли-мәдәни кыйммәтләребезне саклау, үстерүгә багышланган  остаханәләр, яшьләр өчен зәвыклы кичәләр оештырыла. Болар барысы да киләчәк буын сәламәт тәнле вә сәламәт җанлы булсын дигән изге нияттән чыгып эшләнә. Чөнки без бүген бәрәкәтле туфракка сәламәт орлык салсак, уң уңдырышлы булыр.

 Ә менә Изге Рамазан ае кергәч мөселман кардәшләр биредә бер-бер артлы ифтар мәҗлесләрен уздыра башлады. Әйткәндәй, бу кичәләр саф безнеңчә әдәп һәм шәригать кануннарын саклап, җылы мохиттә, тыныч, күңел рәхәте югарылыгында уздырыла.

Һәр ифтарны кабатланмас итү өчен, ресторан хезмәткәрләре үзенчәлекле ифтар-меню әзерләгән. Туклыклы һәм тәмле ифтар-комболар, үзенчәлекле атмосфера, милли моңнар ихласлык, бу мохиткә генә хас җан рәхәтен бүләк итә. Матур йола гадәт буенча, ураза тотучыларны су һәм хөрмә белән сыйлыйлар. Уразалар кабул булсын! Һәр көнебезнең кадерен белеп, аралашып, ифтарларда очрашып, матур гомер итәргә язсын.