Мөселман кешесе чиркәүдә намаз укыган

Вологда өлкәсендә мөселман кешесе изге Николай Чудотворец  соборында намаз  укыган. Бу хәлдән соң Мәскәү мөфтие Илдар Галәветдинов  әгәр чиркәүдә хезмәт итүче (служитель. - Авт.) каршы булмаса,  дини яктан  мондый гамәлләрне кылырга мөмкин, дип белдерде. Җәнҗал купкан. Протоирей Андрей Ткачев Галәветдинов сүзләренә җавап итеп, мөселманга дога кылу өчен эчке игътибар, фикерләү җитә, ә намазлык куллану һәм риталь хәрәкәтләр башкару – “традицияләрне боза торган провокация”, диде.

“Гыйбадәтханәгә  керә ала ул, дин тотучылар арасында басып тора ала, эчтән генә, үзе белгәнчә, дога кыла ала. Моны кешегә беркем һәм беркайчан да тыймаячак”, – дигән Ткачев.

“Регнум” мәгълүмат агентлыгының баш мөхәррире Марина Әхмәтова үзенең Телеграм-каналында әлеге ир-ат нигә православие  гыйбадәтханәсенә барган дигән сорау биргән. “Монда сорау туа – нинди максат белән мөселман кешее чиркәүгә намаз укырга барган? (...) Башка дин вәкилләрен аларның гыйбадәтханәсендә борчыганчы, ул намазны төшереп калдырып,  соңыннан аны компенсацияләү яхшырак”, – дип язган ул.

Русия мөселманнар нәзарәте рәисе урынбасары һәм Мәскәү мөфтие Илдар Галәветдиновның православие чиркәүләрендә  намаз укырга рөхсәт итү – җитди нәтиҗәләргә китерә алырга ихтимал тирән һәм җитди провокация, дип белдерде Кеше хокуклары буенча совет әгъзасы Кирилл Кабанов.

Җәмәгатьче Галәветдиновның гамәлләрен уйлап чыгарылган  “дача буенча күрше”нең үз-үзен тотышы белән чагыштыра. Күрше, имеш, “туганнар һәм агай-энеләргә” чит йортка барып керергә, кеше кроватенда йокларга һәм анда төрде йомышлар йомышларга рөхсәи иткән.

“Күршенең глобаль һәм хәйләкәр уе бар: ул үзенең “агай-энеләре” ярдәмендә сезне гүзәл йортыгыздан куып чыгарып, арытаба анда рәхәтләнеп яшәргә тели”, – ди Кабанов.

Җәмәгатьче Русиядә православие динен тотучыларга “вакыйгаларның агрессив үсешенә” әзерләнергә кирәк, дип өстәгән. Чөнки Галәветдиновның сүзләре мөселманнар белән бәрелешләр өчен нигез әзерли.

Ә сез мөселман дине тотучы кешенең чиркәүдә намаз укуына ничек карыйсыз?

Чыганак: lenta.ru