Зиратта укыла торган дога

Зират эченә кергәч тә, каберлекләргә карап түбәндәге доганы укырга кирәк. Моны Пәйгамбәребез Мүхәммәд (с.г.с.) өйрәтте.

Әссәләәмү гәләйкүм әһләддиййәәри мин-әль-мүэминиинә үәль мүслимиин. Үә иннәә ин-шәәәә-Әллааһу бикүм ләәхикуун. Әс-әлүЛлааһә ләнәә үә ләкүмүль-гәәфийәһ. 

Сүзмә-сүз тәрҗемәсе: Әссәләәмү гәләйкүм – сәлам булсын сезгә; әһләддийәәри – кабер әһелләре; мин-әль-мүэминиинә – мөэминнәрдән булган; үәль- мүслимиин  – һәм мөселманнардан булган; үә  – һәм; иннәә – хакыйкатьтә без; ин шәәәә-Әллааһу – Аллаһ теләсә; бикүм – сезгә; ләәхикуун – сезгә кушылырбыз. Әс-әлүЛлааһә – Аллаһтан сорыйбыз; ләнәә – үзебезгә; үә ләкүм – һәм сезгә; әль-гәәфийәһ – иминлек, җәфалардан коткаруны.

Мәгънәви тәрҗемәсе: Сәлам сезгә әй мөэминнәр һәм мөселманнардан булган кабер әһелләре! Һәм хакыйкатьтә, Аллаһ теләсә без дә сезгә кушылырбыз. Аллаһтан үзебезгә һәм сезгә иминлек һәм җәфалардан  коткаруын сорыйбыз.

Фото: culture.ru