Гаилә кыйммәтләре

 Октябрьский шәһәрендә 13нче урта гомуми белем бирү мәктәбе  укучылары дини конфессияләр вәкилләре белән очрашты. Шәһәрнең ммам ахуны, Русиянең Үзәк Диния нәзарәте вәкиле Мәүлемзан-хәзрәт һәм Александр ата балалар белән мәхәббәт, тугрылык, гаилә кыйммәтләрен һәм гореф-гадәтләрен саклауның мөһимлеге турында сөйләштеләр. Һәм хәзерге дөньяда идеалларны алыштыруның мөһим аспектлары турында фикер алыштылар. Бүгенге егетләргә һәм кызларга яхшылыкны начарлыктан аера белү мөһимлеген аңлаттылар: "Үзеңне яшьтән үк игелеккә өйрәтү мөһим, йөрәгеңдә шәфкатьлелек булса, ныклы нигезле гаилә кору җиңелрәк булачак, - диделәр алар. "Гаилә – һәр кешенең тормышында иң мөһиме. Гаиләдә әхлакый кануннарны үтәсәң, тынычлык һәм татулык булачак, - дип ассызыклады безнең очрашуның хөрмәтле кунаклары.

Русия Үзәк Диния нәзарәтенең Нуруль - Ислам мәдрәсәсе матбугат хезмәте.