Корбан чалу кагыйдәләре

1. Корбан чалына торган урын чиста, уңайлы булырга тиеш.
2. Хайванны рәнҗетмичә, җайлы алып килергә.
3. Чалган вакытта мал кыйблага каратып, сул ягына яткырыла.
4. Дога кылына.
5. Корбан чалучы хайванга җәфа китерүдән сакланырга тиеш, пычак алдан үткерләнә һәм аны хайванга күрсәтмәскә тырышырга кирәк.
6. Кыйблага каратып яткырылган хайванга чалганда пычак уң кулда була. Һәм чалган кешенең иң соңгы сүзләре: “Бисмилләәһи, Әллааһу әкбәр” дигән сүзләр булырга тиеш. Моның артыннан бернинди сүз дә, аваз да чыгарылмый. Әгәр бугазлаганда шушы сүзләр әйтелмәсә, бу хайванның итен ашарга ярамый, хәрам була.
7. Малны чалганнан соң тиресен тунаучы бөтенләй тынычлангач кына башларга кирәк.
8. Хайванның каны чыгып бетәргә тиеш.
9. Чалганнан соң хайван калдыкларын тирән итеп күмеп куярга кирәк.
10. Корбан чалган кеше бу көнне тәүге ризыгы итеп корбанның бавырын авыз итсә савап була.

Уфа шәһәренең “Ихлас” мәчете каршындагы Вил Казыйханов исемендәге Бөтенрусия әхлак мәктәбе җитәкчесе Фатыйма ФАТКУЛЛИНА әзерләде.