Аллаһны зикер итүнең файдалары

• Аллаһу Тәгаләнең ризалыгына ирештерә.
• Җәннәттә зикер-тәсбихлар агач итеп утыртыла.
• Шайтанны куа.
• Күп әҗер-саваплар китерә.
• Гөнаһларны һәм хаталарны юа.
• Йөзне нурландыра.
• Аллаһу Тәгалә белән бәйләнешне ныгыта.
• Гөнаһлардан, гайбәттән һәм начар сүзләрдән тыя.
• Аллаһу Тәгаләгә якынаерга, кылган гамәлләр өчен үкенергә, тәүбәгә килергә ярдәм итә.
• Аллаһны зикер итүчене фәрештәләр искә ала.
• Аллаһны зикер итүчегә начар уйлар килми, шайтан вәсвәсә сала алмый.
• Аллаһны күп зикер итү хәсрәт, борчулардан арындыра, кайгыларны тарата.
• Иманлы кешегә көч-куәт бирә, изге гамәлләр кылырга ярдәм итә.
• Монафиклык ягъни икейөзлелектән азат итә. Монафик кеше Аллаһу Тәгаләне базарда, машинада, мәчеттә зикер итә алмый. Моны бары тик иман әһеле генә эшли ала.
• Дөнья эшләре җиңеләя, тормышның бәрәкәте арта, ахирәт гамәлләре кылырга вакыт күбәя.

Уфа шәһәренең “Ихлас” мәчете каршындагы Вил Казыйханов исемендәге Бөтенрусия әхлак мәктәбе җитәкчесе Фатыйма ФАТКУЛЛИНА әзерләде.