Иртән һәм кич уку өчен дога

“ХәсбийӘллааһу ләә иләәһә илләә Һувә; гәләйһи тәвәккәлтү вә Һувә Раббуль-ГәршильГазыыйм”.

ХәсбийӘллааһу – Аллаһ миңа җитәрлек;

ләә иләәһә – юк иләһ, табына торган зат;

илләә – башка;

Һувә – Аннан;

гәләйһи – Аңа;

тәвәккәлтү – тәвәккәл кылдым;

вә Һувә – һәм Ул;

Раббу – Раббысы;

Әль-Гәршиль – Газыыйм – бөек Гәрешнең.

Сүзмә-сүз тәрҗемәсе:

“Миңа Аллаһ җитәрлек, Аннан башка табыныр иләһ – зат юк; Аңа тәвәккәл кылдым һәм Ул бөек Гәрешнең Раббысы.”

Мәгънәви тәрҗемәсе:

“Бөтен мәшәкатьләремне, борчуларымны җиңү өчен Аллаһу Тәгалә миңа җитәрлек, бөтен эшләремдә Аңа тәвәккәллек кылам. Чөнки Ул – бөеклек һәм кодрәт Иясе, чиксез бөек Гәрешнең Раббысы”.

Бу доганы иртән һәм кичен җиде тапкыр укыган кешене Аллаһу Тәгалә ике дөньяда була торган борчу-мәшәкатьләрдән азат итә. Бу хакта сөекле Пәйгамбәребез Мөхәммәд (с.г.с.) Үзенең хәдисләрендә әйтеп калдырды.

Фатыйма Фаткуллина. Уфа шәһәренең "Ихлас" мәчете каршындагы Вил Казыйханов исемендәге Бөтенрусия әхлак мәктәбе җитәкчесе.