Кайгы һәм сагыш вакытында уку өчен кыска догалар

Кайгы һәм сагыш вакытында уку өчен

Ләәәә иләәһә илләллааһуль – Гәзыыймуль – Хәлиим. Ләәәә иләәһә илләллааһу Раббуль – Гәршиль – Гәзыыйм. Ләәәә иләәһә илләллааһу Раббус-сәмәвәәти вә Раббуль-әрдый вә Раббуль Гәршиль-Кәриим.

Ләәәәә иләәһә – юк иләһ, табына торган зат;

Илләллааһу – Аллаһтан башка;

Әль – Гәзыыйм – Чиксез Бөек;

Әль –Хәлиим  - мәрхәмәтлек, йомшаклык белән Идарә Итүче;

Раббус – сәмәәвәәти – күкләрнең Раббысы;

Раббуль – Гәршиль-Гәзыыйм – Бөек Гәрешнең Раббысы;

Раббуль әрдый – җирнең Раббысы;

Раббуль Гәршиль Кәриим – Хөрмәтле Гәрешнең Раббысы.

Габдуллаһ ибн Габбас (р.г.) әйтүенчә, Аллаһ илчесе кайгылы һәм сагышлы чагында шул доганы укыган.  (Мөслим).

Әллааһ. Әллааһ  Раббии. Ләә үшрикү биһии шәй-әә.

Аллааһ. Аллааһ. Раббии – Раббым минем;

Ләә үшрикү – ширек кылмыйм, тиңдәш кылмыйм;

Биһии – Аңа;

Шәй-әә – бернәрсәне дә.

Хәсбийәллааһу вә нигъмәльВәкиил.

Хәсбийәллааһу – Аллаһ миңа җитәрлек;

Вә – һәм;

Нигмә – гүзәл, күркәм;

Әль-Вәкиил – Яклаучы.

Сөекле Рәсүлебез (с.г.с.) шулай ди өйрәткән: “Әгәр нәрсәгә булса борчылсагыз ясә кайгырсагыз, җиде тапкыр шуларны әйтегез”.

Кайгы һәм сагышлы вакытта

Тирмизи җыентыгында килгән хәдистә сөекле Рәсүлебез (с.г.с.) түбәндәгеләрне белдергән: “Мин бер дога беләм, әгәр дә кыен хәлгә калган, сарыга сабышкан Аллаһ колы аны укыса, Аллаһу Тәгалә аңа бу хәлдән чыгу өчен мотлак юлын ачачак. Бу – минем туганым Юныс гәләйһиссәләмнең балык эчендә караңгылыкта укыган догасы”.

Ләәәә иләәһә илләә Әнтә, сүбхәәнәкә, иннии күнтү минәззаалимиин.

Ләәәә иләәһә – юк иләһ;

Илләә Әнтә – Синнән башка;

Иннии – чынлыкта мин;

Күнтү – булдым;

Минәззаалимиин – үз-үземә золым кылучылардан.

                                                    Фатыйма Фаткуллина, Уфа шәһәренең "Ихлас" мәчете каршындагы Вил Казыйханов исемендәге Бөтенрусия әхлак мәктәбе җитәкчесе.