Гашурә көне каян килә?

Мөхәррәм аендагы Гашурә көне ун саныннан алынган Гашәра – гарәпчә ун дигәнне аңлата. Танылган фәкиһ, олуг дин галиме Әбу Ләйс Сәмәрканди үзенең китабында әлеге көндә булган олы вакыйгаларны түбәндәгечә билгели.

1. Бу көнне җир һәм күкләр яратылган. Аллаһу Тәгалә Адәм гәләйһиссәләмнең тәүбәсен кабул иткән.
2. Ибраһим гәләйһиссәләм туган. Нәкъ шул көнне ул Нәмруд патша үзенең хезмәтчеләре белән яккан зур ут эченнән исән-имин чыккан.
3. Муса гәләйһиссәләм һәм аның кавеме Фиргавен һәм аның армиясеннән Аллаһ кодрәте белән диңгез эчендә барлыкка килгән юлдан чыгып котылган. Явыз тиран үзе диңгезгә батып үлгән.
4. Әюп гәләйһиссәләм күп еллар дәвам иткән каты авырудан котылган, тулысынча сәламәтләнгән.
5. 40 көн буена зур балык эчендә яткан Юныс гәләйһиссәләмне балык яр читенә китергән. Ул да бу көнне олы бәладән котылган.
6. Сөләйман гәләйһиссәләмгә патшалык бирелгән.
7. Нух гәләйһиссәләм үзенең көймәсе белән коры җиргә килеп туктаган.

                                                    Фатыйма Фаткуллина, Уфа шәһәренең "Ихлас" мәчете каршындагы Вил Казыйханов исемендәге Бөтенрусия әхлак мәктәбе җитәкчесе.

ФОто: nur.tatar