Барлык яңалыклар
Динебез – Ислам
11 август 2019, 17:53

Радий Хәбиров Башкортстан халкын Корбан бәйрәме белән котлады

Башкортстан башлыгы вазифаларын вакытлыча башкаручы Радий Хәбиров республика мөселманнарын изге Корбан бәйрәме белән котлады.

Төбәк җитәкчесе сүзләренчә, бу якты көннәрдә һәр дин тотучы үзенең яшерен уйларын мәңгелеккә юнәлтә, Аллаһы Тәгаләнең шәфкатенә өмет белән мөрәҗәгать итә.
«Республиканың мөселман өммәтен берләштерү, Башкортстанда дини оешмаларның актив эшчәнлеге нәтиҗәсендә күп гасырлык традицияләрнең дәвамчанлыгы саклана, алар яшьләрне югары әхлакый принципларда тәрбияләргә ярдәм итә, - диелә Радий Хәбировның рәсми котлавында. - Корбан бәйрәме якты, юмарт һәм шатлыклы булсын, ә безнең изге гамәлләребез төбәк халыкларының диниара татулыгын һәм рухи туганлыгын ныгытуга хезмәт итсен».
Читайте нас в