100 яшендә дә гөрләтеп тормыш итә!

Әби чәчәкләр үстерә, дөнья көтә.

Әлшәй районының Мендән авылында яшәүче Фәния Хисаметдин кызы бер гасырлык юбилеен билгеләп үтә. Район хакимияте башлыгы Наил Абелгуҗин үзенең Телеграм-каналында уртаклашканча, озын гомерле апа хәзер дә рух күтәренкелегендә яши һәм, кичерергә туры килгән барлык сынауларга да карамастан, актив тормыш алып бара.

Фәния Хисаметдин кызы Бөек Ватан сугышы вакытында яшүсмер була. Яшь булуына карамастан, олылар белән иңгә-иң куеп колхозда эшли. Соңрак Үзбәкстанга яшәргә һәм эшләргә китә, анда ирен очрата һәм ул таба. Ире үлгәч, туган якларына кайтып китә.

Туган авылында яшәп кала. Олы яшьтә булуына карамастан, ялгызы гына яши һәм хуҗалык белән шөгыльләнә.

"Бүген Фәния апа ялгыз яши, ләкин үзен ялгыз хис итми: бөтен ишегалды чәчәкләргә күмелгән, түтәлләр пөхтә итеп уталган, ә бу апаның мөстәкыйльлеге соклану уята. Йөзъеллык чиген узгач та, сирәк очрый торган хезмәт сөючәнлек һәм чыдамлык үрнәге күрсәтеп, җирне мөстәкыйль эшкәртә, үсемлекләр үстерә һәм терлек асрый.

Яраткан оныклары еш кына героиня-әбиләре янына килеп, аны игътибар һәм кайгырту белән чорнарга тырышалар», -дип язган Наил Абелгузин үз сәхифәсендә.