Хатын-кызларга караганда, ирләрнең күбесе ишле гаилә турында хыяллана

Бүген БР спорт министры Руслан Хәбибов җитәкчелегендә дәүләт гаилә сәясәте буенча координация советы утырышы узды.

Корсовет әгъзалары туучылар саны турында фикер алыштылар, республикада гаилә институтын үстерүгә төрле хезмәтләрнең җәлеп ителешен карадылар. Хөкүмәт Премьер-министры урынбасары дәүләт җәмгыять таләпләренә нәтиҗәле җавап бирергә, кеше потенциалын үстерүгә этәргеч бирә торган программаларны киңәйтергә кушты.

Башкортстанның гаилә, хезмәт һәм халыкны социаль яклау министры Ленара Иванова 2024 елда Башкортстанда гаилә сәясәтенең төп юнәлешләрен һәм быелгы бурычларны барлады.Министр билгеләп үткәнчә, демографиянең төп проблемаларының берсе республикада гына түгел, бөтен ил буенча туучылар санының түбән булуы.Спикер Шулай ук ВЦИОМ мәгълүматларына нигезләнгән кызыклы статистика китерде:

- Күпләребез күп балалы гаилә турында хыяллана. 2-3 һәм аннан да күбрәк бала үстерү турында. Сораштыруда катнашучыларның 53% ы нәкъ менә шулай дигән. Шунысын исәпкә алырга кирәк, ирләрнең хатын-кызларга караганда 1,8 тапкырга күбрәге дүрт һәм аннан да күбрәк бала тәрбияләү турында хыяллана. Ләкин төп проблема - матди шартлар, ресурслар һәм вакыт җитмәү, ата-аналарның, бигрәк тә хатын-кызларның, бала туганнан соң социаль һәм һөнәри адаптациясе. -Гаилә сәясәте хәл ителә торган мәсьәләләр буенча комплекслы, тармакара характерда һәм чиктәш өлкәләрдәге мәсьәләләрнең киң даирәсенә кагыла, - дип йомгаклады Ленара Иванова.

Ул билгеләп үткәнчә, 2024 елда аз керемле күп балалы гаиләләрдән 30 меңнән артык укучы (5-11 сыйныф укучылары) бушлай туклану белән тәэмин ителгән, бу максатларга республика бюджетыннан 440 мең сум акча бүленгән.– 2024 елның 1 декабренә республика югары уку йортларында 969 гаилә студенты белем ала, аларның 494е балалар тәрбияли, 36 гаилә югары уку йортлары тулай торакларында яши, - диде министр. - Гаиләле студентлар йөклелек һәм бала табу белән бәйле ярдәм чаралары, никахлашканда бер мәртәбә түләү һәм башкалар белән беррәттән тулай торакның аерым бүлмәсенә дә исәп тота алалар, шулай ук бала белән яшәү өчен инвентарь, шул исәптән балалар караваты, коляска бирелә.

Туучылар санын арттыру турында сәламәтлек саклау министры урынбасары Татьяна Саубанова: – 2024 елда республика буенча бала табу яшендәге 1000 хатын-кызга абортлар саны 8,0 булды, бу алдагы ел күрсәткечләреннән түбәнрәк, - дип билгеләп үтте ул.