Яшь фән замана чирләрен дәвалый

Лицензияләр саны арткан.

Башкортстанда наркология эшчәнлеген алып баруга лицензиясе булган медицина оешмалары саны 6,6 процентка арткан. Республика лицензияләренең бердәм реестрында шундый 241 медицина оешмасы теркәлгән, аларның 78е — дәүләт, 7се — федераль, 156сы — шәхси милек формасында.

- Наркология - наркотик матдәләргә һәм алкогольгә физик һәм психик бәйлелеккә китергән авыруларны тикшерү һәм дәвалауны үз эченә алган медицина юнәлеше, — ди Башкортстан Сәламәтлек саклау министрлыгының штаттан тыш баш психиатр-наркологы Евгений Трофимов.

Ул наркологиянең узган гасырның 30нчы елларында гына хроник алкоголизм проблемасына карата кызыксыну арту сәбәпле үзгә бер дисциплина буларак үсеп чыккан чагыштырмача яшь фән булуын билгеләде.