Бөтенрусия халык исәбен алуга без әзерме соң?

Башкортстан башлыгы Бөтенрусия халык исәбен алуга әзерлеккә зур игътибар бирә, аны 2021 елның икенче яртысында үткәрергә планлаштыралар.

. – Безнең республика бу масштаблы вакыйганы үткәрүгә тулысынча әзер. Барлык кирәкле норматив-хокукый база булдырылган, штат формалашкан – 10 меңгә якын кеше халык санын алуда катнашачак, – диде Радий Хәбиров. - Әзерлек этабында без кешеләргә җанисәпнең сан өчен генә үткәрелмәвен, ул социаль сәясәтнең адреслы һәм нәтиҗәле тормышка ашырылуы өчен кирәклеген аңлатабыз. Ягъни, безнең халык мәнфәгатендә.