Ике яңа балалар бакчасы ачылды

Башкортстанның Төзелеш һәм архитектура буенча дәүләт комитеты ике яңа балалар бакчасы ачылу турында хәбәр итә.

Белорет районында һәркайсы 140 урынга исәпләнгән ике мәктәпкәчә белем бирү учреждениеләре ачылды.

Авыллар территориясендә мәктәпкәчә учреждениеләр барлыкка килү Владимир Путин раслаган «Демография» милли проекты ярдәмендә мөмкин булды. Абзак авылында бу беренче балалар бакчасы.

Инзер авылында ике балалар бакчасы булуга карамастан 150 сабый урын көткән, ә яңа балалар бакчасы бу чиратны тулысынча бетерергә мөмкинлек биргән. Балалар бакчалары ачылу нәтиҗәсендә шулай ук 34 яңа эш урыны барлыкка килгән.