Унитазлары алтын, ди

Ришвәт алуда шикләнелгән Ставрополье крае ЮХХДИ башлыгы Алексей Сафоновның йортындагы җиһазлар  дистәләгән мең евро тора, ди.

Бу хакта мебель  җитештерү өлкәсендәге эшкуарлык вәкиле белдерә (ул исемен әйтергә теләмәгән).

“Кровать – 12-15 мең евро (агымдагы курс белән 1,3 миллион сумга кадәр). Йорт коридорында  алтын бра  эленеп тора, ул  Chelini фабрикасында җитештерелгән, чын булса, бәясе – 3 мең евро. Кәнәфиләр белән диван 30 мең еврога якын (сумнарга күчергәндә – 2,6 миллион сум)”, – ди эшкуар.

Белгеч ЮХХДИ башлыгы йортындагы җиһазларның барысы да оригиналь дигән фикердән чыгып бәяләвен әйтә. Чөнки алар Кытай копияләре дә булырга мөмкин.

Ә менә алтын унитаз белән биде хакын вәкил әйтә алмаган.

Йомыш йомышлаганда алтын унитазга утырдың ни дә, фаянска ни дип уйлап куйдым тәүдә. Ә юк икән. Озын йонлач куллы түрәләр өчен аермасы бар, күрәсең.

Чыганак: Lenta.ru