Котсызлыкмы, матурлыкмы?

Болгариядә яшәүче 22 яшьлек Андреа Иванова иреннәренә ким дигәндә 20 инъекция ясаткан. Ул Барби курчагына ошарга тырыша.

Дөньяда иң зур иреннәр иясе апрель азагында иреннәренә тагын гиалурон кислотасы кадаткан. Кызыкай киләчәктә дә үзенең кыяфәтен үзгәртүне туктатмаячагын әйткән. “Табиблар туктарга куша, әмма минем һаман иреннәремне зурайтасым килә, - ди кыз. – Киләсе процедурага кадәр тагын ике ай көтәргә кирәк. Ашарга кыен, әмма алар минем үземә нык ошыйлар”.

Кызыкай кечкенә чактан Барбига ошарга хыялланган. Әмма интернет челтәрендә аны күбрәк Даффи-Дакка яисә Лох-несс котсызына ошаган дигән фикердәләр.