Европа көрәшкә акча бүлә

Евросоюз Европадан читтә коронавирус инфекциясенә каршы көрәшү өчен 20 млрд. доллардан артык акча бүләргә җыенган. Акчалар Африка, Көнчыгыш Балкан, Көнчыгыш партнерлык дәүләтләренә, шулай ук Якын Көнчыгыш һәм Төньяк Африка, Азия һәм Латин Америкасының кайбер илләренә бүленәчәк.

Соңгы мәгълүматларга ярашлы, коронавирус дөньяда 1,5 миллионнан артык кешегә йоккан. Шуларның 88 538 кеше вафат булган, 329,8 меңе терелгән. Бүгенге көнгә АКШ, Испания, Италия һәм Франция әлеге куркыныч вирус аеруча киң таралган илләрдән санала.