"Бәлки, булачак хатыныгыз да сезгә рәхмәтле булыр иде!" дигәннәр Путинга

Кичә зур матбугат конференциясендә яңгыраган бу сүзләргә дә ил башлыгы акыллы җавап бирде.

Добавить в предпочтительные источники Google

31 декабрьне илдә ял көне итү, әлбәттә, яхшы фикер дип саный Русия президенты Владимир Путин.

Бу хакта ул 19 декабрьдә үткән зур матбугат конференциясендә әйтте. Аңа бу сорауны биргән журналист елның соңгы көнендә "ярты ил эшләми, ә эшләгән кыяфәт кенә ясыйлар», дип билгеләп үтте. Тагын да өстәп: «Безнең хатыннар моның өчен сезгә рәхмәт әйтерләр иде. Бәлки, сезнең булачак тормыш иптәшегез дә!» - диде.
"Хатыннарыгыздан үзегез рәхмәт сүзләре ишетсәгез, яхшырак булыр», - диде Путин, елмаеп.

Дәүләт башлыгы әлеге дәлилләр белән килеште. Шул ук вакытта президент мондый карарны хәзер, яңа ел алдыннан кабул итәргә кирәкме икән, дип шикләнде.

Читайте нас