-6 °С
Болытлы
Барлык яңалыклар
Дөньяда ниләр бар?
26 октябрь 2019, 17:14
Сабыйның туганда йөзе булмаган
Күзләрсез, танаусыз туган бу баланы табиблар ике көннән артык яшәмәс дип фаразлый.
7 октябрьдә Португалиянең Сан-Бернарду-де-Сетубал шәһәрендә сирәк очрый торган зәгыйфьлек белән бер сабый дөньяга килгән: малайның бит өлеше булмаган. Күзләре, танавы, гомумән баш сөягенең алгы ягы җитлекмичә туган.
Баланың әти-әнисе Марлен Симау һәм Давид Ребейро бу хәлдән зур шок кичергән. Ләкин, шулай да, Ходай биргән нарасыйларыннан алар баш тартмаганнар.
Яшь әни һәрвакыт янында - яшәү өчен көрәшергә ярдәм итә. Табиблар бу баланы ике көннән артык яшәмиячәк дисәләр дә, хәзер бала үзе тын алырга, көч-хәл белән булса да, шешәдән имәргә өйрәнгән.
Ә менә Марленның акушеры Артур Карвальога карата җинаять эше ачылган. Йөклелек чорында булачак әнигә әллә ничә тапкыр УЗИ үткәрүенә карамастан, булачак анада патология барлыгын сизмәгән һәм күрмәгән.
Дүрт саны төгәл булып туган сабыйларны да ташлап китүче кәккүк әниләр бар. Ә бу мәрхәмәтле, олы йөрәкле яшь әти-әнигә Ходай сабырлык һәм ярдәмен биреп, нарасыйларын савыктырырга язсын.
Читайте нас:
©1991-2024 "Өмет" гәзите Барлык хокуклар да якланган. Материалларны күчереп бастырганда, я аларны өлешләтә кулланганда "Өмет" гәзитенә сылтанма ясау мәҗбүри
Баш мөхәррир: Рәдис Гыйльван улы Ногманов
Телефон
8 (347) 273-94-38
Электрон почта
Адресы
450079, Республика Башкортостан, г. Уфа, ул. 50-летия Октября, 13, Дом печати, 9 этаж
Реклама хезмәте
8 (347) 273-64-81
Кабул итү бүлмәсе
8 (347) 273-94-56